තම මල්ලී මහණ වීමෙන් පසු ඔහුගේ ඇඟට දිෂ්ටියක් ඇතුළු වී ඇති බවත්, ඒ නිසා ඔහු අසනීප වී ඇති බැවින් දිෂ්ටිය ඉවත් කිරීමට රුපියල් ලක්ෂ 20ක් පමණ අවශ්‍යවන බවත් පවසා බද්දේගම ප්‍රදේශයේ පුද්ගලයකු රවටා රන් කැබැලි ටිකක් තියෙනවා ඒවාට රුපියල් ලක්ෂ 07ක් වත් දෙන්න කියා පවසා එය ලබා ගැනීමට කළුතර උතුර ප්‍රදේශයේ පාළු ස්ථානයකට රැගෙන ගොස් ඔහුට පහර දී රුපියල් ලක්ෂ 07 පැහැර ගෙන ගිය චීවරධාරියකු සහ තවත් අයෙක් පිළිබඳ පුවතක් කළුතර උතුර පොලිසියෙන් වාර්තා වෙයි.

සොරකමකට වරෙන්තුවකට අවශ්‍ය වී සිටි බද්දේගම ගනේගම උතුර පදිංචි අමල් දර්ශන හෙට්ටිවත්ත යන සැකකරු පෝද්දල පොලිසිය මඟින් අත්අඩංගුවට ගෙන පරීක්ෂණ පවත්වන අවස්ථාවේ දී මේ සොරකම පිළිබඳ තොරතුරු අනාවරණය වී තිබේ.

අමල් දර්ශන අයියා ලෙසත්, තවත් පුද්ගලයකුට සිවුරක් පොරවා මල්ලී බවට හඳුන්වා දී බද්දේගම ප්‍රදේශයේ පුද්ගලයකුට පවසා ඇත්තේ තමාගේ මල්ලී මහණ වීමෙන් පසු මල්ලිගේ
ඇඟේ දිෂ්ටියක් තිබෙන නිසා, මල්ලී පිස්සුවෙන් හා නිතර අසනීප වෙන බවයි.

එය ඉවත් කර ගන්න රුපියල් ලක්ෂ විස්සක් පමණ මුදලක් වැයවන නිසා රත්රන් ටිකක් තිබෙනවා එය අරගෙන මුදලින් රුපියල් ලක්ෂ හතක් දෙන්න කියා රුපියල් ලක්ෂ හතක් අරගෙන කළුතර උතුර පාළු ප්‍රදේශයකට රැගෙන ගොස් රත්රන් කාසි ලබා දෙනවා කියා මුදල් රැගෙන පලාගොස් ඇත.

පිත්තල කැබලිවලට රන් ආලේපකරන ලද කැබලි ටිකට ලක්ෂ හතක් ලබාගෙන ඇත. මේ සැකකරු අත්අඩංගුවට ගෙන ප්‍රශ්න කිරීමෙන් පසු කළුතර විශේෂ විමර්ශන ඒකකයට භාරදීමෙන් අනතුරුව ගාල්ල මහාධිකරණයට ඉදිරිපත් කිරීමෙන් පසු ගාල්ල රක්ෂිත බන්ධනාගාර ගතකොට ඇත.

මේ පිළිබඳව අනෙක් සැකකරු අත්අඩංගුවට ගැනීමට පෝද්දල පොලිස් ස්ථානාධිපති පී. එල්. කීර්තිසිංහ මහතා ඇතුළු කළුතර පොලිසියේ විශේෂ ෂමර්ශන ඒකකයේ උ.පො.ප. රජින්ද්‍ර මහතා පරීක්ෂණ පවත්වයි.