ඊ.පී.ඞී.පී. නායක අමාත්‍ය ඩග්ලස් දේවානන්ද මහතාට අපහාස වන අයුරින් පුවත් පළ කර ඇතැයි සඳහන් නිව් උදයන් පබ්ලිකේෂන් (පුද්ගලික) සමාගමට එරෙහිව රුපියල් කෝටි 50ක වන්දියක් ඉල්ලා යාපනය දිසා අධිකරණයේ නඩුවක් ගොනු කර ඇතැයි ඊ.පී.ඞී.පී.සංවිධානය පවසයි.

ඉහත කී පුවත්පත් සමාගම විසින් ඉකුත් වසරේ නොවැම්බර් මස 07 උදයන් පුවත්පතේ ප‍්‍රධාන සිරස්තලය ලෙස ‘සොයන වැරදිකරුවන් වන ඩග්ලස් කේ.පී. යන අය දෙමළ ජනතාවගේ නායකයන් බවට පත් කිරීමට රජය උත්සාහ දරන්නේ ඇයි? පාර්ලිමේන්තුවේදී සුමන්දිරන් ප‍්‍රශ්න කරයි’ ලෙස පළ කළ ප‍්‍රවෘත්තියට
එරෙහිව ඩග්ලස් දේවානන්ද මහතා ඉකුත් 26දා නීතිඥ සෙලස්ටින් ස්ටැනිස්ලෝස් මහතා මගින් නඩු පවරා ඇත.