sri e news: නිළි තරූ බොරු කියලා සල්ලි උස්සපු හැටි ගැන රට ඉන්න සුරංග මුල්වරට හෙළිකරයි......හොන්ඩා කාර් ගන්න සල්ලි ඕනි කීවා, අසරණ ළමයින්ට ඒ සල්ලි දෙන්න කීවම බෑ කීවා, නිළියක් ඔහොම කරයි කියලා මම හිතුවේ නෑ

තරු බෝගොඩ නම් රංගන ශිල්පිනියක් විසින් ගංවතුරෙන් අවතැන් වූ පාසැල් සිසුන්ට හා ඔවුන්ගේ පවුල්වලට ආධාර ලබා දෙන බව පවසමින් එංගලන්තයේ වෙසෙන සුරංග විදානගේ නම් ශ්‍රී ලාංකිකයෙකුගෙන් මුදල් ලබාගෙන ඒවා අවභාවිතය කර රුපියල් ලක්ෂ 12ක මුදලක් වංචා කළ බවට අදාල පුද්ගලයා විසින් ෆේස්බුක් ගිණුමේ සටහනක් යොදා තිබුණේ එයට සාධාරණයක් ඉෂ්ඨ කර දෙන ලෙස ඉල්ලමින් මෙන්ම ඇයගේ ගැටවලට නොරැවටෙන බවට අනෙක් අයට උපදෙස් ලබා දෙමින්.

මේ සිද්ධිය පිළිබඳව අප තරූ බෝගොඩගෙන් විමසා සිටි අතර මේ වන විට සිද්ධියට සම්බන්ධ වූ සුරංග විදානගේ අප හමුවේ සිද්ධිය පිළිබඳව සවිස්තරාත්මකව පැහැදිලි කිරීමක් සිදුකර තිබෙනවා.

තරු බෝගොඩ නම් රංගන ශිල්පිනිය හිරු වෙත පවසා සිටියේ මෙම මුදල් අදාලා සුරංග විදානගේ නම් පුද්ගලයාගෙන් ලබාගත්තේ ඔහුගේ දැන හැදින ගැනීමක් මත බවයි.

මේ සම්බන්ධයෙන් විස්තරාත්මක අපවෙත පැවසූ සුරංග පවසා සිටියේ මෙවන් දෙයක්..

මම අසරණ අයට උදව් කරන්න කැමති කෙනෙක්. මම මීට කලිනුත් කුලියාපිටියේ ඒඩ්ස් හැදුනා කියලා කටකතා ගියපු ළමයාව එංගලන්තේට අරන් ඇවිත් උදව් කරන්න හිටියා. තාමත් මම ඔවුන්ට මාසෙට 25,000 ගානේ ගෙදරට මුදල් යවනවා මට පුලුවන් විදියට.

ඔය තරු කියන Girl මට දවසක් ෆොටෝ වගයක් එව්වා ඉස්කෝලේ ළමයි වගයකට පොත් දෙනවා කියලා, ඒ වගේම කීවා වැඩිහිටි අයට මම උදව් කරනවා කියලා, මම ඒක දැක්කම හරිම සංවේදී වුණා, පස්සේ මම කීවා හරි නංගි ඔයා දිගටම ඔය දේවල් කරන්න, මම ඔයාට උදව් කරන්නම් කියලා, ඉස්සරවෙලාම මම එයාට ලක්ෂ 5.5ක් එව්වා, ඒ යවලා සතියක් යනකම් මට කිසිම ප්‍රතිචාරයක් තිබුණේ නෑ, පස්සේ කීවා අයියේ ලොකු ප්‍රශ්නයක් වුණා, මගේ කාර් එකේ ලීස් අවුල් වෙලා තියෙන්නේ, මම ඒක ක්ලියර් කරන්න ලක්ෂ 5.5 වියදම් කළා කියලා, මම කීවා හරි කමක් නෑ නංගි කියලා තව ලක්ෂ 6ක් දැම්මා, ඒකත් අරගෙන මෙයා සද්දයක් නැතුව ඉඳලා එකපාරටම මට කීවා අයියේ ෆේස්බුක් එකේ ඔයාගෙයි මගෙයි දෙන්නාගෙම ඉන්න යාළුවෝ ටික හොඳ අය නෙවෙයි එයාලා බ්ලොක් කරන්න කියලා,

මට සැක හිතුනා එතනින්, පස්සේ මම ඒ යාළුවොන්ට කතා කළා, ඒ අය කියපු කතා වලින් මම මෙයා කවුද කියලා දැනගත්තා, එයාලා කීවා ඔය දුන්නු සල්ලි ආයේ ඔයාට ගන්න වෙන්නේ නෑ, මෙයා ගොඩක් කොල්ලෝ ඔය විදියට රවටැව්වා කියලා, දැන් මට කරන්න දෙයක් නැති නිසා මම වයිෆ්ට කියලා මේ සල්ලි කොහොම හරි ගමු කියලා එයාට ආදරේ කරන්න පටන් ගත්තා, ඒ හැමදේම කළේ මෙයාගේ බැංකු විස්තර අරගෙන අසරණ ළමයි වෙනුවෙන් දුන්නු සල්ලි ආයෙත් ගන්න ඕනි නිසා, මොකද මම ඒවා හම්බකලේ මේ වගේ අයට නිකරුණේ වියදම් කරන්න දෙන්න නෙවෙයි, ඒ වෙද්දි මම ලක්ෂ 12ක් බැංකුවට දාලා තිබුණා,

මේ සල්ලි ගන්න ඕනි නිසා මම එයා එක්ක කතා බහ කරලා ළඟින් ආශ්‍රය කරන්න පටන් ගත්තා, එයාව එංගලන්තෙට ගෙන්න ගන්නත් බැලුවා, මම දවසක් කීවා ඔයාට දැම්ම සල්ලි මට ආයේ දාන්න, ඔයා දැන් මම එංගලන්තෙට ගෙන්න ගන්නවනේ කියලා, මෙයා එකපාරටම කීවා බෑ බෑ ඒවා දැන් දෙන්න බෑ කියලා, මට තවත් සැක හිතුනා, මාසයත් විතර මම මේ සල්ලි ගන්න ප්ලෑන් කරලා හිටියේ, එක එක කතා කීවා, මම හදවත් රෝගියෙක් මට සැත්කමක් කරන්න යන්නේ කියලා. එත් මෙයා සල්ලි දුන්නේ නෑ,

ඊට පස්සේ මෙයා කීවා මට හොන්ඩා කාර් එකක් ගන්න ඕනි කියලා. මම කීවා එහෙම කරන්න එපා, ඒ සල්ලි අර ළමයින්ට දෙන්න, වාහන ගන්න නෙවෙයි ඒ සල්ලි මම ඔයාට දුන්නේ කියලා, එයා ජනප්‍රිය නිළියක් නිසා මම හිතුවේ නෑ මේ වගේ වංචාවක් කරයි කියලා, මම කොච්චර කීවත් ඒ සල්ලි අසරණ ළමයින්ට දෙන්න කියලා මෙයා දෙන්නේ නෑ, මට ඒ සල්ලි ආයේ වැඩක් නෑ, මම කියන්නේ ඒ සල්ලි ඔක්කෝම අසරණ ළමයින්ට දෙන්න කියලා, එයා මොනවා කීවත් එයාගේ පෞද්ගලික වැඩ වලට මේවා යොදවන්න එයාට අයිතියක් නෑ, මම පොලිසියේ පැමිණිල්ලකුත් දාලා තියෙන්නේ, මේ ගැන පරීක්ෂණයක් ළඟදිම පොලිසියෙන් කරලා ක්‍රියාමාර්ගයක් ගනී, මම ආයෙත් කියන්නේ ළමයි වෙනුවෙන් එවපු සල්ලි එයාලට දෙන්න, මට ඒ සල්ලිවලින් වැඩක් නෑ, ඔයාලත් මේ වගේ වංචාකාර අයට රැවටිලා මුදල් දෙන්න යන්න එපා,

එයා කියනවා ලක්ෂ 12ක් කාන්තා ඇසුරකට දුන්නා කියලා, ඔය ඔක්කොම බොරු කතා, මේ විදියට එයාට රැවටුණු පළවෙනියා මම නෙවෙයි, මීට කලින් කොල්ලෝ 4ක් විතර මෙයා රවට්ටගෙන තියෙනවා,

ඇත්තටම වුණේ ඔය කතාව කියලා තමයි සුරංග හිරු ගොසිප් අපිට එංගලන්තේ ඉඳන් දුරකථනයෙන් අමතලා කීවේ. මේ ගැන සුරංග පොලිසියේ පැමිණිල්ලක් දාලා තියෙනවා වගේම ඉදිරියේදී ඒ ගැන නීතිය හරිහැටි ක්‍රියාත්මක වෙයි කියලා ඔහු අපිත් එක්ක කීවා. මේ සිද්ධියට සම්බන්ධ චැට්, ෆොටෝ, බැංකුවට සල්ලි දැම්ම මුදල් කුවිතාන්සිත් වගේ හැමදෙයක්ම සුරංග ලඟ තියෙනවා කියලත් ඔහු කියනවා.

මේ තමයි සුරංග අපිට එව්ව ගිණුම් විස්තර......