බොදුබල සේනා සංවිධානය යාපනය නගරයේ ශාඛාවක් පිහිටුවීමට තීරණය කරයි. හින්දු, දමිළ හා ක්‍රිස්තියානි සහෝදර සහෝදරියන් සමඟ සහෝදරත්වය දියුණු කරගැනීම මේ ශාඛාව පිහිටුවීමේ ප්‍රධානතම අරමුණක් බව පවසන එම සංවිධානයේ සභාපති කිරම විමලජෝති හිමියෝ දැනට ඒ සඳහා අවශ්‍ය සාකච්ඡා පවත්වා අවසන් බව පවසති.

බොදුබල සේනා සංවිධානය යාපනයෙන් අන්තර්ජාතිකයට පිම්මක් පනින්නට සූදානම් වෙයි. දැනටමත් අන්තර්ජාතිකයේ බොදුබල සේනා සංවිධාන පිහිටුවීමටද කටයුතු සූදානම් කර ඇති අතර ප්‍රථමයෙන් එංගලන්තය, ප්‍රංශය, රුසියාව,
අමෙරිකාව යන රටවල ශාඛා පිහිටුවීමට කටයුතු කරන බව ඒ හිමියෝ පැවැසූහ.

ඒ රටවල සිටින බෞද්ධ ජනයාගේ ඉල්ලීමක් මත සංවිධානය අන්තර්ජාතිකයට ගෙන යෑමට කටයුතු කර ඇති බවත්, එහි මූලික කටයුතු සඳහා බොදුබල සේනා සංවිධානයේ මහ ලේකම් ගලගොඩඅත්තේ ඥානසාර හිමියන් ඇතුළු පිරිසක් මේ වන විට අමෙරිකාවට ගොස් සිටින බවත් සභාපති හිමියෝ පැවැසූහ.