අබිරහස් රෝගයකින් සිංහරාජයේ ගෝනුන් මියයෑම හා වඳුරන් අන්ධවීම පිළිබඳ ව දිගින් දිගට ම පරීක්ෂණ සිදු කළත් මෙතෙක් ඊට නිශ්චිත හේතුවක් සොයාගෙන නැතැයි සිංහරාජ අඩවි වනජීවී කාර්යාලය කියයි. මාස තුනක් ඇතුළත් ගෝනුන් විස්සකට වඩා වැඩි ප‍්‍රමාණයක් මෙසේ අබිරහස් රෝගයකින් මිය ගොස් ඇති බවත් වඳුරන් අන්ධ වී ඇති බවත් මෙයට පෙර වාර්තා විය.

සිංහරාජ දකුණු මායිමේ පිහිටි ඉළුඹකන්ද, කැකිල්ලපිටිය, දෙනවත්කන්ද, මුගුණුවල ආදී ගම් ආශ‍්‍රිතව මෙම රෝගයෙන් මියගොස් ඇති ගෝනුන්ගේ සිරුරු හමු වී ඇතැයි ගම්වාසීන් විසින් මෙයට
පෙර කලවාන ප‍්‍රාදේශීය සම්බන්ධීකරණ කමිටු සභාපති පාර්ලිමේන්තු මන්ත‍්‍රී ජානක වක්කුඹුර මහතා, මේ පිළිබඳ ව කඩිනමින් පරීක්ෂණ ආරම්භ කරන්නැයි වනජීවී නිලධාරීනට උපදෙස් දුන්නේ ය. වනජීවී නිලධාරී එරංග බඹරබොටුව මහතා ප‍්‍රකාශ කළේ මේ වන විටත් අදාළ පරීක්ෂණ ආරම්භ කර ඇති බවයි.

මේ අතර වනජීවී කාර්යාල ආරංචි මාර්ග සඳහන් කළේ උග‍්‍ර වී ඇති තත්ත්වය පිළිබඳ ව සිංහරාජ අඩවි වනජීවී සහකාර එච්. කේ. පතිරණ මහතාගේ ප‍්‍රධානත්වයෙන් යුත් කාර්ය මණ්ඩලය නිරන්තර සෝදිසියෙන් පසුවන බවයි.