සාධාරණ සහ යුක්ති සහගතව පාසල් වලින් දරුවන්ගෙන් මුදල් අයකරද්දී මෙන්ම පහසුකම් ගාස්තු අයකිරීමේදී යම් දෙමාපියෙකුට එම මුදල් ගෙවිය නොහැකි බව තමන්ට ලිඛිතව දැනුම් දෙන්නේ නම් ඔවුන්ගෙන් එසේ මුදල් අයකර නොකර සිටීමට කටයුතු කළ හැකියැයි අධ්‍යාපන ඇමති බන්දුල ගුණවර්ධන මහතා පවසයි.

ඒ අනුව පාසල් සිසුන්ගෙන් මුදල් අය කිරීම සම්බන්ධයෙන් පවත්නා චක‍්‍රලේඛයද සංශෝධනයට ලක් කළ හැකි බවද ඇමතිවරයා පැවසීය.

සාමාන්‍ය පෙළ සමත් සිසුන් එම පාසලේම උසස් පෙළ් පන්තිවලට ඇතුළත්වීමේදී ඒ දරුවන්ගෙන් මුදල් අය කිරීම නීති විරෝධී ක‍්‍රියාවක් බව් පෙන්වා දුන් ඇමතිවරයා මුදල් ගෙවන් ලෙසට කිසිදු
දරුවෙකුට අනිවර්ය කළ නොහැකි බවද කීවේය.

යම් විදුහල්පතිවරයෙකු විසින් එවැනි අය කිරීමක් කරන්නේ නම් ඒ පිළිබදව තම අමාත්‍යංශයට පැමිණිලි කරනා ලෙස දෙමාපියන්ගෙන් ඉල්ලා සිටින බවද කීවේය.