පසුගිය දිනවල රූගත කිරීම් ඇරඹූ අලූත්ම චිත‍්‍රපටයක නම ලෙස සටහන් වූයේ ‘අබා සහ කොබා’ ලෙසය. පසුගිය කාලයේ සෑහෙන කථාබහකට ලක්වූ අබා චිත‍්‍රපටයේ නමට හාස්‍යජනක මුහුණුවරක් දෙමින් නම්කර තිබූ මේ චිත‍්‍රපටයේ නම දැන් මාරු කර ඇති බව වාර්තා වනවා.
ගීත රචක තිස්ස ඩයස් ගේ නිර්මාණයක් වන මෙම චිත‍්‍රපටයේ ජයසේකර අපොන්සු හා තිස්ස ඩයස් අබා සහ කොබා චරිත වලට පෙනී සිටි අතර අබා වෙනුවට බබා නම යොදන්නට තීරණය කිරීම නිසා එම චිත‍්‍රපටය බබා
සහ කොබා ලෙස ඉදිරියේදී හඳුන්වනු ඇත.
මෙම වෙනසට පැහැදිලි හේතුව කිසියම් බලපෑමක්දැයි වාර්තා නොකළ අතර ජයසේකර අපොන්සු මාධ්‍ය වලට පවසා තිබුනේ රූගත කිරීම් ටික දිනක් කරගෙන යනවිට අබා නම එයට ගැලපෙන්නෙ නැති බව තේරුම් ගිය බවකි.